Digital Week

Te plejel ince a te le monn digital y dötes sües poscibilités ? Por cin'dis jarun ite tl monn dla tecnologia, di jüc y dla fotografia. Te podaras cherié tüa animaziun o to jüch personalisé söl computer, inventan personaji y stories avisa sciöche t'os. Mo ara ne se röia nia chiló. Te impararas ince da fá fotografies y da tó sö video cun la videocamera y cun le telefon: retrac, detais y idees creatives. I te insignarun da adoré la löm, les dërtes incadratöres y la fantasia por fá imajes uniches. La pert plü bela? I metarun döt adöm. Les fotografies y i videos deventará na pert de tüa animaziun y de to jüch, le fajon deventé ciamó plü personal y original. Scriete ite, tolete para tüa camera o to fonin, tröpa coriosité y vëia da cherié.